ВМРО-ДПМНЕ: Кандидатот за градоначалник на Куманово од СДСМ му е братучед на Оливер Спасовски
Објавено во: Македонија 01 Септември, 2021
ВМРО-ДПМНЕ, реагирајќи на последната понуда од страна на СДСМ за градоначалници на престојните локални избори, коментира дека кандидатот за Куманово, Оливер Илиевски, му е братучед на министерот за внатрешни работи Оливер Спасовски.
„Понудата на СДСМ за локалните избори е од лошо полошо. Братучедот на Оливер Спасовски во Куманово Оливер Илиевски стана кандидат за градоначалник. Додека султанот Заев го исклучи Максим Димитриевски зашто кажа дека СДС е киднапирана партија“, коментираат од најголемата опозициска партија.
Од таму додаваат дека кандидатот номиниран во Битола, пак како што велат, му бил бизнис партнер на премиерот Зоран Заев
„Во Битола кандидат за градоначалник е Христо Кондовски Стентоно кој е кандидат затоа што е бизнис партнер со Вице Заев.
Ако Струмица е на Вицевци, Кондовски од Битола ќе прави Стентонград“, сметаат од ВМРО-ДПМНЕ.