ВМРО-ДПМНЕ ги објави платите на директорите на М-НАВ, за еден мандат колку изградба на нов булевар
Објавено во: Македонија 14 Ноември, 2022
Ивица Томовски од ВМРО-ДПМНЕ на денешната прес-конференција ги објави платите на двајца директори во М-НАВ, телото кое ги регулира воздушните прелети во Македонија.
Според опозициската партија, „Афера Паразити“, покажува дека овие двајца функционери именувани од Владата за еден мандат ќе заработат заедно 473.000 евра.
Според Томовски, извршните директори Фахрудин Хамиди и Владо Крстевски на име плата месечно добиваат по 345.000 денари, односно 266.000 денари.,
- За еден мандат ќе заминат со пари за кој поголемиот број граѓани ќе треба да работат 76 години. Половина милион евра ќе добијат двајцата за еден мандат, пари кои ја чинат државата голем булевар или осум амбулантни возила, рече Томовски.