Владината фасада се уште без натпис по тргнувањето на буквите, познато кога ќе се вратат
Објавено во: Македонија 25 Март, 2019 14:26
Буквите кои беа извадени од натписот на владината фасада на 11 февруари ќе бидат поставени по претседателските избори кога треба да биде испишан натписот со новото уставно име, изјави денеска генералниот секретар на Владата Драги Рашковски.
„Тоа е процедура што налага тендерски постапки и можете да очекувате тоа да се случи по завршување на изборите, согласно тоа дека за време на избори тендерски постапки што не се во годишниот план за јавни набавки не може да се спроведуваат, рече Рашковски.
Буквите од фасадата беа отстранети на денот кога пред Владата се крена и знамето на НАТО покрај македонското, односно веднаш по стапувањето во сила на Договорот од Преспа.
Владата го промени своето официјално име, но буквите не се вратени се уште. Тие беа тргнати во раните утрински часови.
Тогаш беше најавено дека натписот ќе биде поставен на владината фасада откако во Службен весник ќе биде објавено дека Грција го ратификувала Договорот од Преспа и протоклот за членство на Македонија во Алијансата.
Можеби ќе ве интересира
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
