29 Март, 2024
0.0261

Владата следната година ќе треба да најде 83 милиони евра за резервно гориво

Објавено во: Економија 11 Мај, 2021

Добивај вести на Viber

Државата следната година ќе купува резервно гориво за 73,35 милиони евра, според Акциски план за формирање на нафтени резерви кој е наметнат од ЕУ, а кој го објави Владата со кој ќе треба да се исполнат капацитетите за негово чување. Чувањето на купената количина ќе предизвика дополнителни трошоци, со што во 2022 ќе треба да се најдат 83 милиони евра.

До тогаш ќе треба да се купат 71,4 килотони дизел за 50,3 милиони евра, 27,1 килотони моторен бензин за 21,411 милиони евра и околу 7 милиони евра за останатите горива. На крајот на 2022 државата треба да има 251,2 килотони резерви, а зафатнината на чување да биде речиси двојно поголемо. За чувањето на складиштарите ќе им се плаќа 9,045 милиони евра. Половина милион евра ќе бидат дадени и за Агенцијата за задолжителни нафтени резерви за администрирање на процесот. 

Тоа значи дека вкупната сума што ќе биде потребна, а е запишана во проекцијата на планот, е нешто помалку од 83 милиони евра. Парите ќе се обезбедуваат од надоместокот за задолжителни резерви на сурова нафта и нафтени деривати; од меѓународна соработка на програми и проекти, од кредити и, како што се вели во планот, од други извори.

Ќе биде вистински предизвик за Владата да ги најде овие пари, ако се знае дека според она што го пишува за надоместокот за задолжителни резерви, кој се одвојува од купените горива во комерцијална продажба, се планирани само 8,8 милиони евра. 

„Суровата нафта и нафтените деривати од задолжителните резерви треба во секое време по квалитет да одговараат на важечките национални прописи за квалитетот на течните горива и да не содржат недозволени примеси и/или нечистотии кои можат битно да влијаат врз квалитетот и на фактичките количини на нафтените резерви, со цел нафтените резерви секогаш да бидат достапни за интервенција на пазарот. 

Обновувањето на нафтените деривати тековно ќе го вршат трговските друштва од нафтениот сектор во земјата, кои се складиштари на задолжителни резерви, врз основа на склучени договори за складирање, чување и обновување на нафта и нафтени деривати од задолжителните резерви со МАКОРА“, најавува Владата.

Во акцискиот план се препорачува и одржување на постојните и изградбата на нови складишни капацитети и инфраструктура за нафтени деривати на територијата на земјата гледано долгорочно, со што трајно би се решило проблемот со складирање на севкупните нафтени резерви.

До крајот на следната година државата треба да има свои 50 килотони моторен бензин, 158,3 килотони дизел, 32,7 килотони мазут и 10 килотони екстралесно масло. 

А.К.


Можеби ќе ве интересира

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

БРИТАНЦИТЕ ПЛАТИЛЕ ОДЛИЧНО ЗА НИВНИТЕ СВЕЧЕНИ ОДЕЖДИ, АМА „ЕДИНСТВО“ СЕПАК ОТИДЕ ВО МИНУС - еве што е маката на струмичкото претпријатие

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи