Владата ќе се задолжи преку еврообврзница?
Објавено во: Економија 13 Јуни, 2016
Владата ќе се задолжува со еврообврзница, но уште не е позната сумата.
Ова го најави лидерот на ВМРО – ДПМНЕ, Никола Груевски кој изјави дека при ланското задолжување, СДСМ ја блокирала еврообврзницата од 500 милиони евра.
„Не сум информиран во детали, но од она што го помнам од минатата година, кога СДСМ стави некаков вид на блокада на издавањето на еврообврзницата, тие, таа деблокада ја условија со тоа што обврзницата да биде издадена само за шест месеци, наместо за една година како што претходно беше планирано и како што е вообичаена пракса во секоја држава. Така што претпоставувам дека ќе има потреба од такво нешто и дека Министерството за финансии и Владата ќе пристапат кон тоа бидејќи тоа е нормален начин за финансирање на дефицитот во една држава“ - изјави Груевски.
Бидејќи тогаш Владата позајми 270 милиони евра, најверојатно сега вредноста на задолжувањето би изнесувала 230 милиони евра.