Влада: Пописот ќе помогне да се намали иселувањето
Објавено во: Македонија 02 Февруари, 2021
Владата во денешното соопштение, најавувајќи го пописот на населението во април, смета дека статистичката операција ќе помогне да се намали трендот на иселување на популацијата во странство.
„Пописот 2021 за прв пат дава можност да се попишат и нашите граѓани и нивните домаќинства во странство. Ова ќе овозможи давање приказ на миграциските движења, што е добра основа за градење стратегии и политики за успешно запирање на овој процес.
Пописот 2021 е нашата заедничка иднина, која ни отвора европска перспектива за нашата држава и за нас лично како нејзини граѓани“, се вели во денешното соопштение на Владата.
„Пописот годинава ќе се спроведе со значително помалку средства споредено со последниот неуспешен обид за попис, поевтино од што се предлагаше, а се спроведува со најмодерните алатки и технологии“, додаваат од Владата.