02 Декември, 2022
0.0268

ВИСОКИТЕ ЦЕНИ НА СТАНОВИТЕ НЕ СЕ ИЗНЕНАДУВАЊЕ, но интересот за купување не стивнува, понатамошни осцилации не се очекуваат

Објавено во: Економија 07 Октомври, 2022

Добивај вести на Viber

Драматичнот раст на цените на становите и недвижнините на крајот на септември кој го објави Народна банка според инволвираните во секторот недвижнини е загрижувачки, но воопшто не е изненадување. 

Тие се согласни дека изминатиов период има значителен раст на цените на недвижнините, и воопшто не го оспоруваат податокот на НБРСМ дека цените на становите пораснале за дури 21,2 отсто во однос на истиот период минатата година. 

Становите во однос на претходниот квартал од периодот април-јуни поскапеле за 4,7 отсто, објави НБРСМ. Претходно тие посочија дека во јули, поскапувањето на годишно ниво беше за 16,5 отсто.

Податоците кои ги објави Народна Банка дефинитивно се загрижувачки, но сепак се реалната слика на пазарот на недвижности. Наглото зголемување на цените на становите започна на крајот на првиот квартал од тековната година и тој тренд траеше се до почетокот на третиот квартал. По ова, во претходните два месеци имавме стабилизација бидејќи цените го достигнаа својот максимум и сметам дека во наредниот период нема да има големи осцилации - вели генералниот менаџер на агенциајта за недвижнини „Левел 7“, Игор Панчевски. 

Тој посочува дека интересот за купување на станови и понатаму е на исто ниво, дека жетта за станови не стивнува, но укажува дека купците се попребирливи и повнимателни при носењето на конечната одлука за купување. 

Генерално интересот за купување на становите не е намален, но е намалено темпото на реализација односно граѓаните се повнимателни во изборот согласно условите на пазарот односно ги усогласуваат своите желби и потреби согласно буџетот со кој располагаат и се случува доста често да размислуваат за алтернативни решенија во однос на локацијата и големината на станот - прецизира Панчевски.

Значителнот раст на цените на становите, неизбежно го наметнува прашањето кои се причините за ваквиот раст на цените, раст на трошоците или намалената продукција на станови изминатиот период.

- Видете, станбениот простор е производ како и се друго, но со една разлика а тоа неговата трајна вредност и неговата цена е дефинирана според инпутите за продукција но и според влијание од надворешни фактори како што се глобалната ситуација т.е политичко – финансиските текови, политиките на банките и институциите и секако соодносот на понудата и побарувачката на пазарот на недвижности. Причините кои ги наведовте секако влијаат на цената на новоизградениот станбен простор, но кај нас имаме состојба кадешто и постарите станови го пратеа трендот на зголемување и речиси се изедначија со цените на новите станови. Причината е што е намалена продукцијата на нови станови особено во Скопје на атрактивните локации кои до скоро беа под мораториум, но и поради се помал број на слободни локации за градба воопшто - појаснува Панчевски.

Нашиот соговорник укажува дека, во Скопје, без разлика на состојбата на пазарот на недвижности секогаш најбараните локации и со највисоки цени се во централното подрачје како што се Центар, Водно, Капиштец, Дебар маало каде што веќе имаме цени од 1600 евра за метар квадратен до 1800 евра за метар квадратен.

По централните градски средини, интересот е исто така висок за населбите Карпош 1 и Тафталиџе 1 со цени од 1400-1600 евра за метар квадратен, потоа Аеродром од 1200 - 1500 евра, па Кисела Вода 1200-1400 евра, Ново Лисиче, Влае, Хром и Ѓорче Петров со цени од 1150 -1350 евра.

- Како што гледате веќе немаме цени под 1000 евра за метар квадратен, освен во периферните населени места како што се Новоселски Пат од северозападниот дел на градот и Маџари, Хиподром и Илинден од североисток - истакнува Панчевски.

П.О.

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Скокнал бројот на Германци кои работат со скратено работно време

Скокнал бројот на Германци кои работат со скратено работно време

ЕУ ќе зададе удар на цената на руската нафта - има договор?

ЕУ ќе зададе удар на цената на руската нафта - има договор?

Газдите во Германија не сакаат млади работници?

Газдите во Германија не сакаат млади работници?

НЛБ Банка прогласена за „Банка на годината за 2022“ од The Banker

НЛБ Банка прогласена за „Банка на годината за 2022“ од The Banker

ОБЈАВЕНИ НАЈНОВИТЕ БРОЈКИ ЗА МАКЕДОНСКИОТ БДП - раст од само два отсто, градежништвото потфрли и слабо ја билдаше економијата

ОБЈАВЕНИ НАЈНОВИТЕ БРОЈКИ ЗА МАКЕДОНСКИОТ БДП - раст од само два отсто, градежништвото потфрли и слабо ја билдаше економијата

Електродистрибуција ги извести институциите кои компаниите треба да се вратат на отворен пазар

Електродистрибуција ги извести институциите кои компаниите треба да се вратат на отворен пазар

Македонија2025 со силен придонес за економскиот развој фокусиран на младите

Македонија2025 со силен придонес за економскиот развој фокусиран на младите

РАМЕН ДАНОК: ВАНЧО УЗУНОВ - ова не е левичарски, нашите луѓе го сметаат данокот за казна, МИЛЕ БОШКОВ - бизнисот ја поздравува владината одлука

РАМЕН ДАНОК: ВАНЧО УЗУНОВ - ова не е левичарски, нашите луѓе го сметаат данокот за казна, МИЛЕ БОШКОВ - бизнисот ја поздравува владината одлука

ШВАЈЦАРИЈА ОТКРИ КОЛКУ ВРЕДИ ЗАМРЗНАТИОТ РУСКИ ИМОТ: Санкциониран само мал дел од она што Русите го поседуваат

ШВАЈЦАРИЈА ОТКРИ КОЛКУ ВРЕДИ ЗАМРЗНАТИОТ РУСКИ ИМОТ: Санкциониран само мал дел од она што Русите го поседуваат