(ВИДЕО) УКРАИНЦИТЕ ОБЈАВИЈА НОВИ СНИМКИ: Eве како ги пренеле дроновите во Русија
Објавено во: Свет 04 Јуни, 2025 17:53
Откако денеска Украинците објавија видео на кое се гледа еден од камионите на Безбедносната служба на Украина (СБУ) со дронови FPV како се упатуваат кон мисија за уништување на руски стратешки авиони, СБУ објави уште едно видео.
Во овој случај, видеото ја прикажува позадината на камион во движење, а сè е снимено, веројатно, од патнички автомобил кој го следел камионот по руските патишта барем некое време.
На 1 јуни, СБУ спроведе операција со кодното име „Пајажина“. Операцијата беше планирана година и пол и лично ја надгледувале украинскиот претседател Володимир Зеленски и шефот на СБУ, Васил Маљук.
Украинските оперативци шверцувале дронови од типот „FPV“, скриени во дрвени кабини монтирани на камиони, на руска територија. На одредени локации, покривите на овие кабини биле отворани со далечински управувач, а потоа дроновите биле лансирани кон стратешките воздухопловни бази низ Русија – од Мурманск на север до Иркутск и Амур на исток.
Во нападот Украинците употребиле 117 дронови, а погодиле повеќе од 40 руски воени авиони, вклучувајќи стратешки бомбардери Ту-95 и Ту-22М3 и авиони за надзор А-50.
Според украински извори, нападот предизвикал штета од 7 милијарди евра за Русија и значително ја намалил нејзината способност за лансирање напади со крстосувачки ракети врз украинските градови. Сателитските снимки и видео снимките потврдуваат експлозии и пожари на неколку руски аеродроми, а руското Министерство за одбрана го призна нападот.
More footage from SBU sources showing the beginning of the attack: pic.twitter.com/KYm7Sx3xRH
— Jake Epstein (@byjepstein) June 4, 2025
Само еден ден по „Пајажина“, СБУ изврши и подводна диверзија на Кримскиот мост, клучна логистичка артерија за руските сили во окупираниот југ од Украина. Детонирале 1.100 килограми експлозив.
Sources in Ukraine’s internal security agency, the SBU, shared new footage showing one of the trucks loaded with a container hiding drones as it sets off to carry out Sunday’s attack on the Russian airbases. pic.twitter.com/A3V9cg1IUx
— Jake Epstein (@byjepstein) June 4, 2025
Можеби ќе ве интересира
Москва не отстапува од територијалните барања: Кремљ песимист за мировните разговори во Берлин
ПУКАЊЕ ВО СИДНЕЈ: Масакр на плажа, убиени најмалку 12 лица
ЕУ ГО ЗАМРЗНА РУСКИОТ ИМОТ: Фон дер Лајен порача дека ако Русија и натаму војува, трошоците само ќе растат
(ВИДЕО) ПОПЛАВИ ВО САД: Куќи се кренаа од темели, мостови се уништени
(ВИДЕО) Напад во Црното Море: Ракета „Искендер“ погоди турски патнички и товарен брод во Одеса
Стариот континент доминира на листата на најдобри – еден град отиде чекор понатаму
Трамп потврди дека САД ќе почнат напади врз копнените маршрути по кои се транспортира дрога од Венецуела
(ВИДЕО) Зеленски шета низ Купјанск за кој Русија oбјави дека го окупирала
