(ВИДЕО) Порака на надеж во Вухан, градот жариште на коронавирусот
Објавено во: Свет 28 Јануари, 2020
Во кинескиот град Вухан, каде зема замав епидемијата на новиот коронавирус, е организирано светлосно шоу, а на зградите беа проектирани зборовите „Напред, Вухан“. Пораката е за да се охрабрат жителите на кои не им било дозволено да заминат во последните пет дена.
Инаку, вчера во центарот на хрватскиот град Шибеник минувале туристи од Тајван, носејќи натпис напишан на англиски јазик „Не сме од Кина“ (Not from China).
Светската здравствена организација(СЗО) вчера ја измени својата проценка на заканата од новиот коронавирус во Кина на меѓународно ниво, оценувајќи ја како „висока“, а не како „умерена“, како што беше досега, поради, како што се наведува, „грешка во формулацијата“.
СЗО досега оценуваше дека ризикот од вирусот е „многу голем во Кина, голем на регионално ниво и умерен на меѓународно ниво“.