(ВИДЕО) ИНЦИДЕНТ ВО ЗАГРЕБ: Маж пукаше во градинка
Објавено во: Балкан 25 Мај, 2018
Maж денеска пукаше во градинка во хрватскиот главен град Загреб, а по брза акција, напаѓачот е уапсен, јавуваат хрватските медиуми.
Во близина на градинката се слушале рафали, а полицијата брзо стигнала на местото на настанот.
По околу еден час, полицијата излезе со соопштение дека е уапсен еден маж и дека во тек е криминалистичка обработка. Се наведува дека никој не е повреден.
„Прво околу 9.30 часот слушнав одвоени пукања. Не беа рафали туку поединечни пукања. Потоа се слушаа три, четири рафали, а по звукот би рекол дека се од калашников. Соседката ми рече дека полицијата имала триесетина дојави и дека то и го кажале полицајците“- раскажува еден жител кој живее во близина.
Во градинката веднаш почнале да стигнуваат родители, а некои заедно со децата биле затворени внатре.