(ВИДЕО) ДОДИК ЗА РЕПУБЛИКА СРПСКА: Јас сум спремен идната недела да прогласам независност, па што биде нека биде
Објавено во: Балкан 24 Јули, 2021
Се појави видео во кое Сојузот на независни социјалдемократи на Милорад Додик повикува на одбрана на Република Српска.
Порачуваат дека ако не живеат како што сакаат во БиХ, го знаат својот пат. Видеото е објавено по повод одлуката на високиот претставник Валентин Инзко да го забрани негирањето на геноцидот во Сребреница и величењето на злосторствата. Додик, лидер на СНСД и претседавач на Претседателството на БиХ, држи говор, а се прикажуваат разни кадри. Вели дека Србите тоа не можат да го прифатат, и дека во БиХ нема дијалог, туку се туркаат работите на сила со помош на меѓународниот фактор.
„Јас се плашам само од Бог и да не го разочарам овој народ“, вели Додик. Меѓу другото, тој кажува дека негира дека се случил геноцид во Сребреница.
ЕУ го забележа носењето на законот во БиХ против негирањето на геноцид, од високиот претставник Валентин Инцко, во кој се наведува дека „ревизионизмот и негирањето на геноцид противречат на најосновните европски вредности”.