ВАЖНО ЗА ГРАЃАНИТЕ: Ќе можат да подигнат документи и на денот на гласањето
Објавено во: Македонија 22 Април, 2024
Граѓаните ќе може да подигаат лични документи и на денот на гласањето.
Министерството за внатрешни работи (МВР) инфомира дека во среда (24 април), кога ќе се одржи првиот круг од претседателските избори, граѓаните ќе можaт да ги подигаат своите лични документи.
„Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 24.04.2024 ќе работат за издавање на лични документи со работно време од 08 до 19 часот“, соопштија од МВР.
На денот на гласањето, скопјани, како и досега, ќе можат своите лични карти да ги подигаат во надлежните полициски станици.
Новите документи се со новото име на државата, Северна Македонија во согласност со Договорот од Преспа.