ВАЖНА ВЕСТ ЗА СИТЕ АКЦИОНЕРИ НА „ГРАНИТ“ - за дивидендата, еве какви податоци треба да достават оние што тоа досега не го сториле

Добивај вести на Viber

Важна вест стигна за сите акционери на македонската најголема градежна компанија „Гранит“. 

Имено, компанијата планира да стартува со исплата на дивиденда, а за таа цел е потребно акционерите навреме да ги достават потребните податоци. 

„Ги известуваме акционерите на ГД Гранит АД заради навремено комплетирање на податоците за исплата на дивидендата за 2023 година, потребно е да достават податоци од трансакциска сметка и лична карта со потпишана изјава. Акционерите кои добиле  дивиденда за претходните години, доколку податоците им се важечки, нема потреба  истите повторно да ги доставуваат“, се вели во компаниската објава на Берзата. 

Како што веќе пишувавме, нашиот градежен гигант „Гранит“ најави дека ќе дели дивиденда од 42 денари по акција, онака како што предлагаше Управниот одбор на компанијата, а не по 70 денари, како што бараа група помали акционери, кои заеднички поседуват над 5 отсто од акциите.

Инаку, неодамна оваа наша најголема градежна компанија декларираше дека на сите свои акционери, но и на потенцијалните инвеститори во таа реномирана акција, од годинава па до 2028 година просечно годишно ќе дели просечно по 2,1 милиони евра бруто дивиденда, односно дека во период од пет години, почнувајќи со годинава, планира да исплати вкупна дивиденда вредна 10,45 милиони евра.