УЖАС НА СКИЈАЧКАТА ПАТЕКА НА КОЗАРА: Млад човек паднал под машината за рамнење на снегот, се бори за живот
Објавено во: Балкан 14 Јануари, 2021
Некогаш желбата за што поголема зимска авантура може да заврши несреќно.
Млад човек од Бања Лука на 28 години бил сериозно повреден во вторникот вечерта додека скијал на ски-центарот на Козара и неговиот живот е во опасност, дознава Српскаинфо, а пренесува Курир.рс.
Според порталот, младиот човек бил на ноќно скијање со своите пријатели во вторникот, а трагедијата се случила кога ски-лифтот престанал да работи.
„Младиот човек беше речиси на дното од патеката кога жичарата престана да работи. Тој започна да се искачува кон врвот на патеката и во тој момент ратракот, односно машината за рамнење на снегот, започна да ја прави патеката", објаснил изворот Српскаинфо.
Младиот човек го замолил возачот на ратракот да го однесе на врвот на патеката, и тој се качил на автомобилот.
„Додека тие се искачуваа на врвот, делот каде што седеше младиот човек распука и тој падна под ваљаците на ратракот. Во таа прилика тој се здоби со многу тешки и опасни по живот повреди. Во моментов тој се наоѓа во Универзитетскиот клинички центар на Република Српска“, истакнал соговорникот на Српскаинфо.