Урош Б сепак нема да добие доживотен затвор за масакрот?

Добивај вести на Viber

Убиецот од Младеновац кој уби 8 и рани 14 луѓе не може да добие доживотен затвор. 

Адвокатот Вељко Делибашиќ гостуваше во телевизијата К1, каде коментираше каква казна може да добие Урош Б. Тој вели момчето дека не може да добие доживотна затворска казна.

„Оваа казна може да се изрече само на оние лица кои во времето на извршувањето на кривичното дело имале 21 година. Со оглед на тоа што Урош Б. во моментот на извршување на кривичното дело тешко убиство немал 21 година, нема да добие најстрога казна.За тоа кривичното дело предвидува затворска казна од најмалку десет и најмногу 20 години. Да имаше 21 година, ќе беше применета казна доживотен затвор. Истите казни се за тероризам, најмалку десет, а најмногу 20 години или доживотен затвор, но истиот Кривичен законик важи и за тоа“, додаде тој.

Кажа дека право на сите осудени е да поднесат барање за предвремено ослободување од затвор по отслужување на две третини од казната, но тоа не значи дека судот ќе одобри. 

„Две пациентки повредени во масовното пукање кај Младеновац и Смедерево се во критична состојба“, изјави министерката за здравство на Србија, Даница Грујичиќ во гостувањето на РТС.

И момчето Коста Кецмановиќ кој уби 9 луѓе во своето училиште и рани 7, на интернет го проучувал Кривичниот законик и знаел дека без навршени 14 години не може да оди в затвор. Коста во јули ќе наполни 14 години. 

Во Србија се денови на жалост. Целиот регион е потресен. 

И во Босна и Херцеговина (БиХ) имаше граѓани кои се закануваа со масакри.