Управа за извршување на санкции: Пронајден е подземен недовршен тунел од околу 50-тина метри на потегот од објектите кои се рушат

Добивај вести на Viber

Управата за извршување на санкциите во координација со КПД Идризово и со безбедносните органи, во изминатите два месеци го подигнала степенот на безбедност затоа што имало сомнежи за можно бегство. 

Во кругот на Затвореното одделение е детектирано потенцијалното место од каде би можело осудените лица да ги реализираат плановите и таму дополнително е зајакнато обезбедувањето.

„Од причина што се работи за стари објекти од тврда градба кои се надвор од употреба, по спроведена постапка за јавна набавка избрана е фирма со соодветна дејност за рушење на наведените објекти. Откако е постигната согласност со Министерството за внатрешни работи со свои сили да обезбеди асистенција при реализацијата, денес на ден 21.03.2023 година во 07.00 часот е пристапено кон рушење на детектираните објекти. Воедно се направени и повеќе ископи во кругот на одделението при што е пронајден подземен недовршен тунел во должина од околу 50-тина метри на потегот од објектите кои се рушат кон оградниот ѕид. По завршените планирани активности и реализираното рушење, во попладневните часови се на терен надлежните органи кои треба да ги истражат сите околности  со цел да се утврдат сите факти до целосно расчистување на сите работи“, информираат во соопштението. 

Доживотни осуденици преку подземен тунел планирале бегство од „Идризово“.