УНЕСКО, Грција и Русија се побунија за Аја Софија
Објавено во: Балкан 10 Јули, 2020
Стигнаа првите реакции за одлуката за пренамената на Аја Софија во Истанбул од музеј во џамија.
УНЕСКО жали поради одлуката на турските власти за промената на статусот на Света Софија, изјави директорката на Oрганизацијата за oбразование, наука и култура на Обединети нации, Одре Азуле.
Таа истакна дека Света Софија како дел од Истанбул има силна симбиличка, историска и универзална вредност.
Турскиот претседател Реџепт Таип Ердоган денеска го потпиша декретот откако судот претходно ја поништи одлуката на Советот на министри од 24 ноември 1934 година за пренамена на Аја Софија од џамија во музеј. Ердоган повика на оваа промена за време на минатогодишниот предизборен митинг.
„Навистина е срамота што не се слушна загриженоста на Руската православна црква и другите православни цркви. Оваа одлука, за жал, не е насочена кон усогласување на постојните разлики, туку напротив, може да доведе до уште поголеми поделби, како што порача и патријарх Кирил во својата изјава на 6 јули“, реагираше Руската православна црква.
Грчката министерка за култура Лина Мендони изјави дека денешната одлука е отворена провокација кон целиот цивилизиран свет, кој ја признава уникатната вредност и универзалноста на споменикот.
Вели дека никој не се обидува да се меша во внатрешните прашања на Турција, но Аја Софија, која се наоѓа на турска територија е споменик на човештвото, независно од религијата и додаде дека Ердоган ја враќа земјата шест векови назад и „избира културна изолација за земјата“.
Аја Софија беше најголемата христијанска црква, изградена во шести век од Византијците, а во џамија беше претворена по османлиското освојување на Цариград, денешен Истанбул, во 1453 година. Статусот од верски објект во музеј беше променет со указ во 1934 година од тогашниот турски претседател Мустафа Кемал Ататурк.Можеби ќе ве интересира
ТОМА ФИЛА ЗА ДАНКА: Добро би било да го најдат детето, но не верувам дека тоа ќе се случи
ПИЛИ, НОЖЕВИ, ЛОПАТИ... Од куќата на убиецот Данка Илиќ одземени се десетици предмети: Сите испратени на вештачење, а ова е детален список за тоа што зела полицијата
НА ПАЗАРИТЕ ВО СОСЕДСТВОТО ОТКРИЕНА ЛАЖНА „ПЛАЗМА“: Разбиен огромен синџир на продажба на фалсификувани производи
РЕЗОЛУЦИЈАТА ЗА СРЕБРЕНИЦА ГО „ТРЕСЕ“ БАЛКАНОТ - наместо да го помири регионот како што предлагаа клучни спонзори од Западот
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
СРБИН МОЛИ ПУТИН ДА МУ ПОМОГНЕ: Се борел во Украина, а не добил руско државјанство
УПАТЕНИ НА ПСИХИЈАТАР ВО БЕЛГРАД: Убијците на Данка одат на вештачење
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
Вучиќ им се извини на Словенците по изјавата дека се „одвратни“, но не и на нивните политичари
