Украина не го потпишува кончениот договор за минерали

Добивај вести на Viber

Претседателот на Соединетите Американски Држави, Доналд Трамп, реагираше откако украинските претставници не го потпишаа конечниот договор што им дава на американските компании привилегиран пристап до украинските ретки минерали.

„Украина, предводена од (претседателот) Володимир Зеленски, не ги потпиша конечните документи од многу важниот договор за ретки земјени минерали со Соединетите Американски Држави. Доцни најмалку три недели. Се надеваме дека ќе биде потпишан ВЕДНАШ“, напиша Трамп на својот профил на социјалните мрежи „TruthSocial“.

Тој, исто така, го коментираше напредокот во мировните преговори.

„Работата, генерално, на мировниот договор меѓу Украина и Русија оди добро. Се чини дека успехот е во иднина“, додаде американскиот претседател.

Договорот за украинските ретки минерали го понуди украинскиот претседател Володимир Зеленски во замена за воена и финансиска помош од САД. Договорот, според украинскиот претседател, не вклучува предавање на минерали, туку нивно заедничко развивање.

Понудата дојде откако Трамп изјави дека САД ѝ дале на Украина над 300 милијарди долари воена помош и дека американскиот народ заслужува нешто за возврат. Сепак, подоцна беше потврдено дека САД ѝ помогнале на Украина со над 100 милијарди долари, и тоа не толку колку што кажа Трамп.