Украина чека оружје за да го руши мостот што ја поврзува Русија со анектираниот Крим
Објавено во: Свет 17 Јуни, 2022
Украина објави детали за напад на рускиот мост преку теснецот Керч до Крим, заканувајќи се дека ќе го таргетира клучниот пат кон полуостровот анектиран од Русија во 2014 година.
Украинската воена разузнавачка служба ги објави официјалните руски податоци за изградба на мостот, иако не можно веднаш да се утврди автентичноста на документ од речиси 300 страници. Документот беше објавен еден ден откако украинскиот генерал Дмитриј Марченко рече дека мостот ќе биде „цел број еден“ доколку Киев го добие потребното оружје. Генералот Марченко рече дека Москва го користела мостот за транспорт на материјали за Крим и јужна Украина.
Изградбата на 18-километарскиот мост чинеше милијарди, а од 2018 година го поврзува Крим со руското копно. Портпаролот на руската влада Дмитриј Песков изјави дека се преземени сите мерки на претпазливост за да се обезбеди безбедноста на Крим. Тој додаде дека Кремљ е свесен за најновите закани на Киев дека ќе удри по мостот.
Москва се закани дека ќе го бомбардира Киев доколку мостот биде нападнат. Министерот за надворешни работи Сергеј Лавров рече дека заканата на Марченко е во спротивност со ветувањата на украинскиот претседател Володимир Зеленски до западните партнери дека нема да користи оружје со долг дострел за да ја нападне руската територија.
Руската војска го окупираше полуостровот на Црното Море во 2014 година кога Украина беше ранлива на промена на власта и не можеше да се спротивстави. После тоа се одржа меѓународно непризнаен референдум и Крим беше припоен кон Русија.
Можеби ќе ве интересира
ЗА НАПАДОТ ВО МОСКВА: Руската полиција уапси уште еден Таџикистанец
ПОЧИНА БЕБЕТО КОЕ ЛЕКАРИТЕ ВО ГАЗА ГО ИЗВАДИЈА ОД УТРОБАТА НА УБИЕНАТА МАЈКА: По неколку дена се јавиле сериозни здравствени проблеми
ПИШУВАЛА АНТИВОЕНИ ГРАФИТИ: Руска тинејџерка е осудена на 3.5 години затвор
Ќе бидат потребни 14 години да се отстранат урнатините во Појасот Газа, вели официјален претставник на ОН
КИНА И САД ТРЕБА ДА БИДАТ ПАРТНЕРИ, НЕ РИВАЛИ: Кси Џинпинг го пречека Блинкен
„КРАЛОТ ЧАРЛС Е ВО МНОГУ ПОЛОША СОСТОЈБА ОТКОЛКУ ШТО СЕ ПРИКАЖУВА ВО ЈАВНОСТА“: Погребот активно се планира
Официјално: Тенковите „Абрамс“ тргнати од првата борбена линија
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
ЌЕ ГИ ОГРАНИЧАТ ОДНОСИТЕ СО ПУТИН: Европскиот парламент ги прогласи изборите во Русија за нелегитимни
