УЧЕНИК ОД ВЕЛЕС ПРЕТЕПА СОУЧЕНИК: Обвинителството поведе постапка за насилството
Објавено во: Македонија 11 Декември, 2024 18:30
Обвинителството поведе постапка за случајот во велешко училиште каде ученик претепа друг ученик и му нанесе тешки телесни повреди.
Основното јавно обвинителство Велес поведе предистражна постапка за ученичко насилство во велешко училиште.
„Во постапката се преземаат повеќе дејствија за овој случај од страна на повеќе лица и институции“, велат од ОЈО-Велес.
Цветанка Боговеска, јавна обвинителка за подрачјето на Општина Велес, денеска изјави дека полицијата во петокот, 6 декември, во Јавното обвинителство Велес испратила известување за инцидент во кој врсник и соученик во ООУ „Блаже Конески“ претепал и тешко повредил 12-годишно дете. Инцидентот се случил на 20 ноември во училиштето, кога за време на одмор, 12-годишниот ученик повредил врсник од одделениот и му нанел тешка повреда на главата.
Повредениот ученик од Општата болница во Велес итно е пренесен на Клиниката за неврологија во Скопје, од каде по неколкудневно болнички престој е пуштен на домашно лекување.
Врсничното насилство е сериозен проблем во Македонија. Деновиве две основни училишта во Скопје бојкотираа настава поради насилен ученик. Претходно во Ѓорче Петров, двајца ученици со тврд предмет се обиделе да силуваат ученик.фото: Google Street View
Можеби ќе ве интересира
Желјазков: Немаме нерешени билатерални прашања со Република Северна Македонија
Петре Шилегов бара оставка од лидерот на СДСМ, Венко Филипче
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
