Уапсен „Командант Бреза“ по 22 години бегство
Објавено во: Македонија 03 Јуни, 2025 11:33
Хамди Бајрамовски, познат како командант Бреза од скопското село Брест, по 22 години бегство, синоќа е уапсен, и спроведен во затворот „Скопје“ во Шутка.
Тој беше осуден за разбојништво и други кривични дела, по што, избега од Македонија и се бараше со меѓународна потерница. Уапсен е во скопско Ченто односно местото викано Камник, а за доизлежување има уште пет години затвор.
Како што информира Министерството за внатрешни работи, акцијата ја извршиле припадници на Секторот за меѓународна полициска соработка.
„На 02.06.2025 на подрачјето на општина Гази Баба, полициски службеници го лишија од слобода Х.Б. (43) од Скопје. Лицето било барано по неколку потерници за издржување на казни затвор и за други постапки за тешки кривични дела“, соопштија од МВР
Бајрамовски е осуден на пет години затвор за разбојништво, како и на шест години за неовластено производство и трговија со дрога, а се терети и за низа други дела: изнуда, насилство, недозволено оружје и други.
Во 2005 година, при претреси кај командатот Бреза беа најдени купишта оружје. Од униформи, минофрлачи, гранати за РПГ, тенковски гранати до тешко воено оружје и 300 илјади парчиња куршуми.
Минатата недела беше објавено дека по 27 години бегство уапсен е и Ацо Боцевски, познат како Циганот во криминалното подземје.
Можеби ќе ве интересира
СПАСОВСКИ: Македонија не смее да стане земја што ќе спроведува азилски постапки за други држави, а притоа да ѝ остануваат мигранти што нема каде да ги врати
„ДЕЛОВНА ТАЈНА Е ДЕКА НЕ' ТРУЈАТ“: Арсовска тврди дека загадувачите добиле право да ги кријат доказите под мотото „деловна тајна“
УАПСЕН ЕКС ДРЖАВНИОТ ПРАВОБРАНИТЕЛ ФЕХМИ СТАФА: Осомничен е за поткуп од десетици илјади евра
Најголемиот шлепер во Македонија го вози жена и тоа токму оваа: „Најтешко е да си далеку од дома и од блиските“ - Цеце Мирчевска за „Женски магазин“
НЕ Е ЛЕСНО ДА СЕ РАБОТИ ДАЛЕКУ ОД ДОМА: Познатиот готвач Настески со потресно сведоштво „Поголема болка од ова нема!“
„ОВК НЕ БЕШЕ КРИМИНАЛНА ОРГАНИЗАЦИЈА, СЕ БОРЕШЕ ЗА ЕДНАКВОСТ НА АЛБАНЦИТЕ“: Протест за поддршка на осудените водачи на УЧК
ДЕТАЛИ ЗА ПАДНАТИОТ АВИОН ВО МАВРОВСКО ЕЗЕРО: Техничките податоци откриваат дека станува збор за вистински авијациски „олдтајмер“
