УАПСЕН ГЛАВЕН ИНСПЕКТОР ВО ОДДЕЛЕНИЕ ЗА ЛИЧНО ОБЕЗБЕДУВАЊЕ НА МИНИСТРИ - кривична пријава за злоупотреба на овластувањата

Добивај вести на Viber

Уапсен е главен инспектор на Одделението за лично обезбедување на министри, поранешни претседатели на Македонија. Според објавата од Министерството за внатрешни работи, инспкторот ја злоупотребил својата позиција и на свои колешки им допишал повеќе работни саати, односно прекувремена работа и со лажните податоци им изработил список за плата. 

- Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција, Специјализирано одделение за гонење на кривични дела сторени од лица со полициски овластувања и припадници на затворската полиција поднесе кривична пријава за кривично дело “злоупотреба на службена положба и овластувања“ по член 353 став 1 од КЗ на РСМ, против Б.М., во моментот на работно место главен инспектор во Одделение за лично обезбедување на министри, поранешни претседатели на РСМ и други личности при ОЗОЛО.

Во февруари 2024 година пријавениот како началник на Одделение за лично обезбедување на министри, поранешни претседатели на РСМ и други личности при ОЗОЛО, во евиденцијата за распоред на работни часови за месец февруари, иако знаел дека за две вработени нема изготвени наредби за работа подолга од полното работно време, евидентирал 32 часа, односно 28 часови прекувремена работа и изработил список за исплата на плата за месец февруари во кој ги евидентирал - се наведува во билтенот на МВР.