Туристи си заминуваат од Грција?

Добивај вести на Viber

По земјотресот од 6,7 степени, кој го погоди во петокот наутро Егејско Море, тлото во Турција и Грција и понатаму се тресеше, и тоа со посилни афтершокови од 3, 4 степени па и повеќе.

Во земјотресот загинаа две лица, а околу 500 други се повредени.

Повеќе стотици жители и туристи, на источниот грчки остров Кос, ја поминаа ноќта под отворено небо, во паркови или во своите автомобили.

Туристите, уште истиот ден се обидувале да пронајдат превоз до своите домови, но најчесто наместо помош од матичните туристички агенции, наидувале на крајно необични совети.

Гопем број Британци, кои инаку со задоволство доаѓаат на овие острови, се упатуваат кон аеродромот на островот Кос. пишува „Дејли меил“. Таму, по краткиот прекин на авио-сообраќајот, авионите повторно летаат, но речиси е невозможно да се најде билет.

Туристичките агенции се обидувале да ги убедат туристите да останат до крајот на уплатениот аранжман и да „уживаат во одморот“. На многумина им било советувано да спијат на лежалките на плажата. 

И денеска имало афтершокови. 

Тлото продолжува да се тресе, а регистрирани се потреси и во Измир, Атина, како и на други места во Грција и Турција со јачина од 2,3 и 4 степени по Рихтер.