ТРУДО ПОВИКА ДА НЕ СЕ ПАТУВА НИКАДЕ: Омикрон е закана
Објавено во: Свет 16 Декември, 2021
Премиерот на Канада Џастин Трудо ги повика граѓаните да не одат никаде за празниците кои следуваат и рече дека ќе ги засили контролите за влез и излез од земјата. Во последниот пост Трудо им се обраќа на Канаѓаните со апел да ги променат плановите поради Омикрон.
„Да бидеме јасни: со појавата на варијантата Омикрон и нејзиното ширење низ светот, сега не е време за несуштински меѓународни патувања. Издадовме советодавно предупредување против ваквото патување и ќе продолжиме да го засилуваме тестирањето на границата за сите што се враќаат дома, пишува тој.
Ги повика граѓаните да ги вакцинираат децата над пет години, а возрасните да ставаат бустер доза.