Трендафилов: Како Пазарен инспекторат да ги спроведува мерките на Владата, кога немаат добиено плата?
Објавено во: Економија 23 Април, 2025 13:49
Слободат Трендабилов, претседателот на Сојузот на синдикати на Македонија, денеска брифираше за тоа кои се работници од јавниот сектор не ја добиле мартовската плата и ги повика да излезат на организиран протест за време на празникот.
- Утринава моите податоци се дека се уште не ја добиле платата во Министерството за економија и труд, вработените во Државниот пазарен инспекторат, кои треба да ги спроведува мерките на Владата и кои треба да ги контролираат нефер-трговските практики и нефер-трговците, според моите сознанија, немаат добиено плата.
Вработените во дел од Јавното обвинителство немаат добиено плата, вработените во „Водостопанство“, каде што имаше голем удар над работниците да се зачленат во друг синдикат, се уште ја немаат добиено својата плата и нема ниту изгледи кога ќе ја добијат.
Има и други низа институции во јавниот сектор кои ја немаат добиено платата. Ако не се лажам, претпладне ја добив информацијата дека и Државниот инспекторат за труд нема исплатено плата а треба да помага најмногу на работниците и да ги спречува неправилностите за исплаќањето на платите, рече Трендафилов.
Синдикалниот лидер порача дека не се испочитувани до крај ниту колективните договори и тоа го аргументираше со мотив повеќе за вработените да излезат на протестниот марш на 1-ви Мај.
- За жал, работниците во образованието не го добија зголемувањето од 12,6, добија мизерни 7 проценти. Вработените во образованието не го добија за последниот месец тоа такво мало покачување од 5 проценти. На голем број работници од јавниот сектор не им е исплатено зголемувањето од општиот колективен договор од 12,6 проценти,туку добиле линеарно зголемување од 7 отсто, што е само 1.800 денари според усогласувањето со минималната плата, смета тој.
Трендафилов апелираше до Владата да се држи до договореното, затоа што адвокатските тужби од страна на работниците и судските решенија, како што рече, ќе го чинат државниот буџет многу повеќе.
Можеби ќе ве интересира
СОЈУЗОТ НА СТОПАНСКИ КОМОРИ ЗАРАБОТИ ПРЕКРШОЧНА КАЗНА ОД 0,87 ОТСТО ОД НИВНИТЕ ЛАНСКИ ПРИХОДИ - КЗК: Свесно давале неточни податоци за забранетиот договор меѓу 4 синџири маркети
И ПОКРАЈ БОЈКОТИТЕ: Цените на храната во Европа и на Балканот се неоправдано високи
НОВИ ЧЛЕНОВИ ВО ОДБОРОТ НА ДИРЕКТОРИ НА „ТЕЛЕКОМ“ - во Бордот влегува и Сашо Димитријоски, поранешен директор на Агенцијата за електронски комуникации
„САУДИСКИ ИНВЕСТИЦИИ ВО СЕКТОРИ СО ВИСОК ПРИОРИТЕТ - ПОПОВА ШАПКА КЛУЧЕН ПРОЕКТ“: Дурмиши по средбата со Алсакран од Саудиска Арабија
ПЕНЗИОНЕРИТЕ НЕ БИ РАБОТЕЛЕ АКО НЕ МОРААТ: „Кој би ангажирал стар човек, кој не се разбира во технологија?“
СЕМЕЈСТВАТА СЕПАК ТРЕБА ДА ИМААТ КЕШ: Централната банка на Холандија oбјасни колку пари треба да чуваат под перница
СВЕТОТ Е ВАША КАНЦЕЛАРИЈА: Ова се најбараните професии што можете да ги работите од која било локација
РУСИЈА ТРИ ГОДИНИ Е ВО ВОЈНА: Kако им успеа да имаат ниска стапка на невработеност?
ПРОСЕЧНА ПЛАТА ВО МАКЕДОНИЈА: За колку е зголемена во однос на лани?
