ТРАМП ДО ЗЕЛЕНСКИ: Mоже да избере мир или да ја продолжи војната уште три години пред да ја изгуби целата земја

Добивај вести на Viber

Избери мир или изгуби ја целата држава, му порача американскиот претседател Доналд Трамп на украинскиот колега, Володимир Зеленски. 

Трамп тврди дека договорот е „многу блиску“, но го критикуваше Зеленски и го повика да ја „заврши работата“.

„Никој не бара Зеленски да го признае Крим како руска територија, но ако го сака назад – зошто не го бранеа пред единаесет години, кога беше предаден на Русија без ниту еден куршум? Имаше големи руски бази во таа област со децении пред „предавањето на Обама“. Овие запаливи изјави, како оние што ги даде Зеленски, се причина зошто е толку тешко да се постигне мир. Тој нема со што да се пофали! Ситуацијата за Украина е многу тешка, може да избере мир или да ја продолжи војната уште три години пред да ја изгуби целата земја“, пишува Трамп. 

Според мировниот план на Трамп за ставање крај на војната во Украина објавен од американските медиуми, САД официјално ќе го признаат рускиот суверенитет над анектираниот Крим.

Портпаролот на Кремљ, Дмитриј Песков денеска изјави дека средбата на министрите за надворешни работи на Велика Британија, Франција и Германија, САД и Украина е откажана бидејќи не се согласуваат за клучните прашања. Тој рече и дека за преговорите сега се објавуваат лаги во медиумите.