Топчанел: Со Бујар Османи и Дритан Абазовиќ - дури четворица Албанци министри за надворешни работи на Балканот
Објавено во: Балкан 19 Септември, 2020
Откако регионалните медиуми објавија дека Дритан Абазовиќ ќе биде министер за надворешни работи во новата Влада на Црна Гора, „Топчанел“ од Албанија излезе со статија дека за прв пат на Балканот ќе има четворица шефови на национални дипломатии кои се етнички Албанци.
Покрај оние на Албанија и Косово, за прв пат во историјата Албанец ќе го води министерството за надворешни работи на Македонија, откако Бујар Османи беше назначен на таа функција во август.
Сега Абазовиќ се подготвува да ја превземе оваа функција во својата земја, откако беше дел од коалицијата која по децениско владеење освои повеќе гласови од партијата на Мило Ѓукановиќ.