22 Септември, 2021
0.0263

Тони Стојановски, коментаторот на мечот Грузија - Македонија: Не сум член на ниту една партија, говорот дојде сам од срцето

Објавено во: Македонија 13 Ноември, 2020

Тони Стојановски, коментаторот кој предизвика катарза во јавноста со својот говор на синоќешниот натпревар помеѓу Грузија и Северна Македонија, по кој нашата фудбалска репрезентација за прв пат во историјата се пласираше на Европското првенство, за „Фактор“ вели дека тоа што го искажал не било однапред подготвено и било кажано од срце.

Тој вели дека не верува дека ќе биде казнет за начинот на кој го коментираше телевизискиот пренос од победата против Грузија во Тбилиси, ниту пак дека имало политичка позадина во сето тоа.

- Им благодарам на сите за поддршката, се уште не можам да им одговорам на сите, реакциите се многубројни. Благодарен сум и за негативните критики кои не се испоганети. Единствено добив само една закана од лице кој, како што можев да видам, имаше партиска иконографија на својот профил, ни рече Стојановски.

ТВ-коментаторот на националниот сервис вели дека во она што го искажал немало ниту партиска, ниту политичка позадина, ниту пак дека добил некакви инструкции од раководството на „Мкедонската радиотелевизија“.

- Тоа е мој личен став, тоа не може да се објасни, особено на оние кои не го препознааваат овој успех. Ова е голем чекор на изградба на нација, која не се гради во Пржино. Ова не е само фудбалки пласман, туку многу повеќе од тоа. Не сум член на политика партија и нема да бидам. Како што вели Волтер - човек без партија е ништо, но партијата го ограничува човекот. Тоа беше само говор во кој единствено воведот беше однапред подготвен и крајот немаше да биде искажан да не победеше репрезентацијата. Јас не сум херојот на вечерта, тоа се македонските фудбалери, а апелот мој до вжештените глави е да го слушнат и воведот и крајот на преносот и ако можат нешто да научат, вели Стојановски.

Тврди дека од секогаш бил во добри односи со менаџерскиот тим на телевизијата, за кој вели дека не се меша во неговата работа.

- Менаџњерскиот тим секогаш ја поддржува мојата работа, дури и во времето на претходната власт. Тоа е истиот менаџерски тим, кој постојано има разбирање за нашата редакција и ни дава слобода работите да ги искажеме и тогаш и сега на свој начин. Мене искрено ми е жал што од некои не е препозната патриотска, туку некаква партиска димензија. Тука имаше величење на „Македонизмот“ низ етничка призма,но победата на фудбалерите и начинот на кој што тие фумкционираат во репрезентацијата, е чекор кон формирање политичка нација според принципите на татковците на француската буржоаска револуција од 1789 година, смета тој.

Самиот признава дека направил пропуст во тоа што не ја споменувал географската одредница „Северна“ во официјалното уставно име на земјата, но и дека тоа во овој период не е дефинирано во делокругот на неговото работење.

- Никогаш не сум споменал „Северна“, затоа што тоа за мене не е прифатливо! Се уште има рок на прилагодување. а соседот воопшто не направил ниту еден чекор во таа наљсока, вели тој.

За крај порачува дека љубовта кон татковината останува вечна, додека партиите може да згаснат во кое било време.

- Македонштината во моето срце е поголема од сите партии, кои може да згаснат во кое било време, но љубовта кон татковината ќе остане да постои, тврди Стојановски.

А.К.

(Одредени изјави коишто беа напоменати во нашиот првичен текст се променети во однос на првичниот текст, на барање на соговорникот)

Можеби ќе ве интересира

ЉУБЧО ГЕОРГИЕВСКИ: Порано во Струга, Кичево или Чаир ВМРО-ДПМНЕ и СДСМ се бореа за градоначалник, а помагаа албанските гласови, сега е обратно

ЉУБЧО ГЕОРГИЕВСКИ: Порано во Струга, Кичево или Чаир ВМРО-ДПМНЕ и СДСМ се бореа за градоначалник, а помагаа албанските гласови, сега е обратно

ЛЕТО, СЕ ГЛЕДАМЕ СЛЕДНАТА ГОДИНА: Вечерва пристигнува есента

ЛЕТО, СЕ ГЛЕДАМЕ СЛЕДНАТА ГОДИНА: Вечерва пристигнува есента

ОД ПОЧЕТОКОТ НА ПАНДЕМИЈАТА: Граѓанка дури три пати „фатила“ ковид-19

ОД ПОЧЕТОКОТ НА ПАНДЕМИЈАТА: Граѓанка дури три пати „фатила“ ковид-19

ВО ЕДНАТА РАКА ПРОТИВ КОВИД, ВО ДРУГАТА ПРОТИВ ГРИП: Нема никаква опасност да се примаат вакцините истовремено, уверува епидемиологот Стојанов

ВО ЕДНАТА РАКА ПРОТИВ КОВИД, ВО ДРУГАТА ПРОТИВ ГРИП: Нема никаква опасност да се примаат вакцините истовремено, уверува епидемиологот Стојанов

Џес Бејли по две и пол години откако си замина: Се сретна со Пендаровски во Њујорк

Џес Бејли по две и пол години откако си замина: Се сретна со Пендаровски во Њујорк

МИГРАНТИ ПОВТОРНО МИНУВААТ КАЈ ТАБАНОВЦЕ: Досега немало проблеми, но кај мештаните има загриженост

МИГРАНТИ ПОВТОРНО МИНУВААТ КАЈ ТАБАНОВЦЕ: Досега немало проблеми, но кај мештаните има загриженост

ФАКТОР НА ДЕНОТ: По пожарот во Тетово дисциплината е поголема, а во меѓувреме протече документ за набавка на модуларните болници

ФАКТОР НА ДЕНОТ: По пожарот во Тетово дисциплината е поголема, а во меѓувреме протече документ за набавка на модуларните болници

Румен Радев бара Македонија да ги почитува човековите права

Румен Радев бара Македонија да ги почитува човековите права

Меѓу починатите од коронавирусот и денес има млади луѓе

Меѓу починатите од коронавирусот и денес има млади луѓе