Територијата на „Исламска држава“ се намалува, се бараат нови извори на пари
Објавено во: Свет 21 Октомври, 2016
Teриторијата на „Исламска држава" се намали за половина и соништата за калифат се нерални.
Екстремистичките милитанти го губат пристапот до изворите на приходи. Тоа ги принуди да се служат со уцени, киднапирања и донации од странци.
„Исламска држава" имаше можност да ги користи природните ресурси на својата територија во Ирак и Сирија и брзо да воведе систем за оданочување и администрација, која и дозволуваше да управува територија со големина на Швајцарија.
Но, со започнувањето на битката за Мосул - нејзината најголема тврдина во Ирак „Исламска држава" губи пристап до извори на приходи од нафта и гас, и до пари, кои во 2014 година беа над 1 милијарда долари.
Исламистите заработувале по околу 30 милиони долари месечно во Ирак од уцени и оданочување во 2015 година.
Банкарските грабежи се трет по големина извор на приходи за „Исламската држава", главно во Мосул, каде што имаше над 500 милиони долари во сефови.
Нафтените бунари обезбедуваа околу 2 милиони долари дневно.