27 Септември, 2020
0.0215

ТЕЛЕКОМУНИКАЦИСКИОТ БИЗНИС ПРОФИТАБИЛЕН И ВО ВРЕМЕ НА КОРОНА: Македонски телеком со добивка од 11,2 милиони евра за првото полугодие

Објавено во: Финансии 06 Август, 2020

Во првото полугодие од годинава, „Македонски телеком“ прикажа нето добивка од 692,8 милиони денари, или 11,2 милиони евра. Тоа е помалку за 21,3 отсто споредено со истиот период лани. 

Оваа телекомуникациска компанија ги објави своитре финансиски резултати преку Македонската берза.

Во образложението се вели дека намалувањето на оперативната добивка пред камати, оданочување и амортизација (EBITDA) во првите шест месеци од 2020 година е за 2,7 отсто во споредба со истиот период од претходната година.

„Следствено, EBITDA маргината во првите шест месеци од 2020 година изнесува 42,2 отсто. Доколку се исклучи трошокот за опремнини за вработените во првите шест месеци од 2020 година EBITDA бележи благо намалување од 0,2 отсто во споредба со истиот период од претходната година. Исто така, EBITDA маргината (без трошокот за отпремнини) во првите шест месеци од 2020 година изнесува 43,3 отсто“, се вели во образложението.

Оперативната добивка пред камати и оданочување (EBIT) за првите шест месеци од 2020 година е намалена за 19,0 отсто во споредба со истиот период од претходната година и изнесува 823,8 милиони денари. Доколку се исклучи трошокот за опремнини за вработените во првите шест месеци од 2020 година EBIT е намалена за 13,5 отсто во споредба со истиот период од претходната година, се вели во образложението.

Нето добивката е 11,2 милиони евра за првите шест месеци, што е намалување за 21,3 отсто во споредба со истиот период лани. Од Телеком појаснуваат дека доколку се исклучи трошокот за опремнини за вработените во првите шест месеци од 2020 година нето добивката бележи намалување од 15 отсто во споредба со истиот период од претходната година.

Од компанијата велат дека како и другите компании во земјата и глобално во светот и тие се погодени од пандемијата на КОВИД– 19 која негативно влијаеше на финансиските перформанси на МКТ, особено во месеците кога се беше затворено.

„И покрај тоа што точното влијание на кризата од корона вирусот на финансиските перформанси на МКТ не може со сигурност да се одреди, очекуваме негативно влијание на продажбата, особено во при-пејд сегментот и роаминг услугите. Иако може да имаме краткорочно влијание во 2020 и 2021 година, во овој момент не очекуваме значајно влијание на нашите долгорочни планови“, се вели во образложението на финасиските резултати на „Македонски Телеком“.

Инаку, компанијата најави дека дивидендата за минатата година ќе биде исплатена до 30 септември годинава.

„Собранието на акционери на МКТ на состанокот одржан на 30 јуни 2020 година ја усвои Одлуката за исплата на дивиденда за 2019 година и утврдување на дивиденден календар. Во согласност со оваа Одлука дивидендата за 2019 година е во вкупен бруто износ од 1.328.387 илјади денари. Бруто износ на дивиденда по акција за 2019 година е МКД 15,40“, се вели во Образложението за работењето на Македонски Телеком АД – Скопје за периодот од 01.01.2020 до 30.06.2020 година досставено до Македонската берза.

Можеби ќе ве интересира

ПРОСЕЧНА ПЛАТА ВО СРБИЈА: Веќе се искачи над 510 евра?

ПРОСЕЧНА ПЛАТА ВО СРБИЈА: Веќе се искачи над 510 евра?

МЕРКИТЕ ЌЕ БИДАТ И ЗА ГРАЃАНИТЕ И ЗА ФИРМИТЕ - некои се познати, некои се нови

МЕРКИТЕ ЌЕ БИДАТ И ЗА ГРАЃАНИТЕ И ЗА ФИРМИТЕ - некои се познати, некои се нови

Битиќи најави дека е можно ново задолжување за четвртиот сет мерки

Битиќи најави дека е можно ново задолжување за четвртиот сет мерки

ВО ИГРА Е И ДОМАШНА КОМПАНИЈА - неколку инвеститори сакаат да добијат статус на стратешки

ВО ИГРА Е И ДОМАШНА КОМПАНИЈА - неколку инвеститори сакаат да добијат статус на стратешки

ПРВИОТ ЧОВЕК НА ШПАРКАСЕ, БИШЕВ, СО ПОРАКА: Банкарскиот систем е стабилен и има капацитет да ја поддржи економската обнова

ПРВИОТ ЧОВЕК НА ШПАРКАСЕ, БИШЕВ, СО ПОРАКА: Банкарскиот систем е стабилен и има капацитет да ја поддржи економската обнова

ММФ ЗА ЗАТВОРАЊЕТО НА ЕУРОСТАНДАРД - Народна банка ја донела одлуката за да ги заштити депонентите

ММФ ЗА ЗАТВОРАЊЕТО НА ЕУРОСТАНДАРД - Народна банка ја донела одлуката за да ги заштити депонентите

НАРОДНА БАНКА ОПШИРНО ЗОШТО МОРАЛА ДА ЈА ЗАТВОРИ ЕУРОСТАНДАРД - ниту сопственикот ниту инвеститорот не го обезбедија потребниот капитал

НАРОДНА БАНКА ОПШИРНО ЗОШТО МОРАЛА ДА ЈА ЗАТВОРИ ЕУРОСТАНДАРД - ниту сопственикот ниту инвеститорот не го обезбедија потребниот капитал

Бараат закон за обештетување - оштетените од Еуростандард имале средби со сите политички партии

Бараат закон за обештетување - оштетените од Еуростандард имале средби со сите политички партии

ВОДОВОД И ЕВН СИ ГИ БАРААТ СВОИТЕ ПАРИ ОД ЕУРОСТАНДАРД - формиран Одборот на доверители на банката во стечај

ВОДОВОД И ЕВН СИ ГИ БАРААТ СВОИТЕ ПАРИ ОД ЕУРОСТАНДАРД - формиран Одборот на доверители на банката во стечај