Таравари по втор пат ќе ја гради Клиниката во Штип: Ништо не е сменето од 2017

Добивај вести на Viber

Арбен Таравари по втор пат стана министер за здравство и зградата на недовршениот клинички центар во Штип е во истата недоизградена состојба од тогаш.

- За жал во 2017, кога бев министер само 100 дена, не ја посетив зградата, сега гледам дека ништо не е сменето, рече доскорешниот градоначалник на Гостивар при денешната заедничка посета со премиерот Христијан Мицкоски.

Таравари рече дека има иницијатива да се објави нов повик за нов изведувач, но дека за тоа прво ќе треба да има усогласување во Владата и дозвола од Министерството за финансии

- Знам дека е активирана банкарската гаранција минатата година и веќе таа работа е завршена. За кривични пријави ќе треба да прашам па да ви кажам, напомена Таравари и додаде дека 6-те милиони евра од активираната банкарска гаранција се или во Министерството за здравство или ги чува Владата.

Рокот за изградба на штипската болница привично беше до 2018 па потоа со анекси на договорот беше продолжен до 2023 но поради судски процеси и банкроти на фирмите кои работат на неа изградбата оди со доста забавено темпо. Пред две години Банката на Советот на Европа која беше финансиер на изградбата на Клиничка болница Штип се повлече, а финансирањето за градба на овој објект продолжи со средства од буџетот на Владата.