Тајно гласање - опција за постапката за уставни измени

Добивај вести на Viber

Постои отворена можност пратениците на Собранието на РМ да гласаат тајно за уставните измени и имплементирање на Спогодбата од Преспа, откако би се обезбедило двотретинско мнозинство за истото, тврдат одредени македонски медиуми.

Деловникот на Собранието во однос на тајното гласање:вели дека може да се одлучи гласањето да биде тајно по предлог на претседателот на Собранието или на еден пратеник чие барање го поддржуваат десет пратеници.

Тајното гласање за предлогот во целина се врши на тој начин што во гласачкото ливче се наведува предлогот и зборовите “за” и “против”, а гласањето се врши со заокружување на еден од наведените зборови. Претседателот на Собранието по завршувањето на гласањето ги соопштува резултатите од гласањето и врз основа на резултатот констатира дали предлогот за кој се гласало е усвоен или одбиен.

Проценките се дека на парламентарното мнозинство треба да обезбеди уште девет пратенички гласа за да почне постапката за уставни измени. Квалификувано мнозинство потоа ќе биде потребно и во финалната фаза од измените на Уставот.

Во моментов оние пратеници од опозицијата кои сакаат да соработуваат наедно стравуваат од јавна осуда во својот политички кампус, па тајното гласање би било логичен чекор за да се обезбеди нивната поддршка.