03 Август, 2021
0.0176

ТАЈНИ ПРЕГОВОРИ ЗА „КОЛАЧОТ“ НА ПОШТА - дел од осумте банки се откажале, дел во трка со понудите

Објавено во: Економија 08 Октомври, 2020

Ништо не е искомплицирано. Во тек е процедурата за избор на банка со која Македонска пошта ќе го склучи договорот за вршење на платниот промет.

Ова за Фактор го тврди првиот човек на Пошта, Ејуп Рустеми, кој нагласува дека во моментов тим формиран од Македонска пошта преговара со неколкуте банки кои имаат доставено понуди за да го преземат платниот промет во поштенските единици, по пропаѓањето на Еуростандард банка.  

„Додека трае процесот на преговори јас не смеам да кажам ништо, односно не смеам да откријам никакви детали“, вели Рустеми.

Според директорот, преговорите со банките ги води тим од Пошта, кој е избран од Управниот одбор на оваа институција. Тимот задолжен за преговорите би требало најдоцна за две недели да ги оцени понудите од оние банки што ги доставиле.

„За две недели треба да заврши процесот на преговори кои ги води самата Пошта, и треба да биде готова еваулацијата на сите понуди што беа доставени, односно на условите што ги нудат банките. Потоа ова се доставува до Управниот одбор на Пошта, па до Надзорниот одбор. Управниот одбор потоа на Владата ќе и ја предложи банката која е избрана, и на крај, врз основа на сето ова, ќе мора да пресече Владата, односно таа да ја донесе конечната одлука“, вели Рустеми.

Како што беше објавено во медиумите, интерес за склучување договор со Пошта пројавија осум банки. НЛБ банка официјално соопшти дека пројавила интерес за соработка, а според информациите, интерес пројави и ТТК банка.

Но, дали сите осум банки доставиле и понуди за преземање на платниот промет на Пошта?

Според информациите, некои од овие осум банки и доставиле понуди, а некои се откажале од намерите да го преземат платниот промет.

„Кога ќе заврши целиот процес, јавноста ќе биде навреме информирана за изборот на банка“, вели Рустеми.

Според одредени информации, за да се избере банка што ќе го склучи договорот, големо значење ќе има компатибилноста на софтверот што го воспоставила Еуростандард банка во поштенските единици.

„И ние сакаме процесот на преговори да заврши што побргу, но мораме да ги почитуваме процедурите и законските норми. Всушност, од понудата на банките ќе зависи рокот кога ќе се склучи договорот“, вели Рустеми.

Како што е познато, платниот промет во Пошта се до 12 август годинава го вршеше Еуростандард банка. Но, тогаш и беше одземена дозволата за работа и банката отиде во стечај. Со тоа се стопираше и вршењето на платниот промет во поштенските единици.

„Македонска пошта не врши платен промет, бидејќи нема деловна банка. Ние во Пошта не смееме да вршиме платен промет, и затоа мора да се избере банка“, објаснува Рустеми.

Според него, без разлика на моментаните проблеми и загубите поради невршењето на платниот промет, Македонска пошта продолжува да работи. Ниту еден вработен не е отпуштен, ниту тоа се очекува. Рустеми вели дека нивна главна дејност се писмоносните услуги, и тоа се одвива без проблеми. Се досега вработените редовно ја земаат својата плата, а завчера била исплатена септемвриската.

Во Пошта има 2.300 вработени.

Се додека трае постапката за избор, ќе остане енигма кој ќе го земе овој доходовен бизнис.

Инаку, денеска е првото рочиште за стечајот на Еуростандард банка, по што ќе биде појасно колку од заробените пари во банката ќе можат да си наплатат доверителите од стечајната маса.

Нина Нинеска-Фиданоска

Можеби ќе ве интересира

До сега собрани 6,5 милиони евра од регистрација на возила со бугарски таблички

До сега собрани 6,5 милиони евра од регистрација на возила со бугарски таблички

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

Македонија, Србија и Албанија ќе имаат заедничка поштенска марка, но и една цена за услугите на пратки?

Македонија, Србија и Албанија ќе имаат заедничка поштенска марка, но и една цена за услугите на пратки?

Поради зголемувањето на јавниот ќе дојде време да не може да ги сервисираме долговите, смета Никола Поповски

Поради зголемувањето на јавниот ќе дојде време да не може да ги сервисираме долговите, смета Никола Поповски

Горан Трајановски ќе го пробива Телеком Србија на македонскиот пазар

Горан Трајановски ќе го пробива Телеком Србија на македонскиот пазар

„Фактор“ рангира: Колку пари прават најголемите компании чии акции се тргуваат на берзата?

„Фактор“ рангира: Колку пари прават најголемите компании чии акции се тргуваат на берзата?

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

Како „Макстил“ доби крилја? Профитот порасна за шест пати во споредба со лани!

Како „Макстил“ доби крилја? Профитот порасна за шест пати во споредба со лани!

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?