Тајани не сака Заев да ја добие Нобеловата награда за мир
Објавено во: Македонија 08 Февруари, 2019
Антонио Тајани, претседателот на парламентот на ЕУ, нема да го поддржи предлогот македонскиот и грчкиот премиер Зоран Заев и Алексис Ципрас да ја добијат овогодинешната Нобелова награда за мир, објави „Ефимерида“.
Во прашање е иделошка поделеност, бидејжи Тајани е заменик-претседател на ЕПП, заедницата на европски десничарски партии, додека Заев и Ципрас предводат левоориентирани политички субјекти.
Како изговор за ваквиот потег тој ги наведе претстојните парламентарни избори во Грција. Ова го наведе на седница на Бирото на ЕПП во Атина.
– Нема да потпишам кандидатура за Нобелова награда за премиер пред избори – рече Тајани.
Претходно, поддршката за престижната награда по имплементацијата на Преспанскиот договор во Европскиот парламент ја потпишаа претседателите на Социјалдемократите, Уду Булман и Грен Скелер, и на Левицата, Гиби Цимер.