Светските нафташи за два месеци се задолжија 63 милијарди долари!
Објавено во: Економија 24 Март, 2015
Водечките светски нафтени компании имаат издадено во првите два месеци од оваа година обврзници во рекордна вредност од 63 милијарди долари, искористувајќи ја предноста на историски ниски трошоци на задолжување за да ја зголемат дивидендата и подобрат рамнотежата.
Според податоците на американската инвестициска банка Морган Стенли, само американските и европските нафтени гиганти како „Ексон мобајл“, „Шеврон“, „Бритиш петролеум“, „Тотал“ и „Статоил“ издале нови обврзници во вредност од 31 милијарди долари.
Тоа е речиси половина или 48 отсто од вкупно издадените должнички хартии од вредноста на новите нафтени и гасни компании во светот во јануари и февруари.
Од почетокот на годината, „Ексон“ издаде обврзници во вредност од осум милијарди долари, по што следи „Тотал“, „БП“ и „Шеврон“ со шест милијарди долари.
Вредноста на нивните издадени обврзници од 31 милијарди долари е повисока од претходниот рекорд од првиот квартал на 2009 година од 28 милијарди долари.
Падот на цените на нафтата за повеќе од 50 отсто од јуни минатата година ги притисна нафтени компании, принудувајќи ги да ги намалат инвестициите и продажбата на имотот со цел да се одржи силен биланс и висока исплатата на дивиденди.
Сепак, повеќето од овие компании се уште им е потребно зголемување на задолжувањето со цел да се постигнат овие цели, со оглед на остриот пад на цените на нафтата.
Екстремно ниски каматни стапки во Европа и САД, како резултат на лабавата монетарна политика на централните банки, им овозможуваат на големите компании да позајмуваат по историско ниски трошоци, а нафтените компании, исто така земаат нови, евтини кредити за потенцијалните придобивки во секторот, кои се очекуваѐт во втората половина од годината, заклучува „Морган Стенли“.