Сугарески откри зошто немало свечено отворање на автопатот
Објавено во: Економија 10 Јуни, 2019
Горан Сугарески, министерот за транспорт и врски, изјави дека новиот автопат Миладиновци - Штип беше пуштен во употреба минатата недела без свечено отворање поради притисокот од граѓаните што побргу истиот да го користат. Според министерот, доколку се организирала свеченост тоа и понатаму ќе го одложувало неговото пуштање во употреба на негодување на возачите.
– Штом се обезбедија безбедносните услови коишто ги споменувавме претходно, веднаш во средата беше пуштен во употреба експресниот пат Миладиновци-Штип. Во неколку натписи изминатиот период читав дека во изминатите две години СДСМ намерно го кочела пуштањето на патот во употреба, што апсолутно не е точно. Кога дојдовме на власт имаше бројни нерешени проблеми и патот, ако сакате, беше направен 55%, а 45% не беше бидејќи немаше потпишано анекс на договор затоа што на 1 мај 2017 требаше да биде готов. Ние потпишавме на 30 септември и за неполна година и пол патот беше направен. Проблеми што излегоа дополнително беше писмото пратено од кинеската компанија за безбедносните огради кои беа во проектот, но не и во сметката. – рече Сугарески како гостин во 1ТВ.
За новите цени на патарините тој додаде дека се најевтините во Европа и дека средствата од таму мора да се враќаат како рати за банкарските инвестициски кредити за изградба на патиштата.