СТРУШКА КОМПАНИЈА Е ДОБИТНИК НА ГОДИНАТА: Доби државен тендер вреден над 23 милиони евра

Добивај вести на Viber

Струшката компанија Илинден е добитникот на годината. 

Од државата доби тендер вреден над 23 милиони евра, најголем што некогаш го добила во земјава и покрај тоа што во јавните набавки низ годините веќе имала свои договори. Имено Јавното претпријатие за државни патишта објави дека склучила договор со Трговското друштво за градежништво производство, трговија и услуги Илинден АД Струга за Изградба на регионалниот пат Р2246 на делницата од Извор до Гарски мост. Вреден е 23,7 милиони евра, а е во траење од 48 месеци и е објавен на 14 октомври годинава откако бил склучен на 8 октомври.  

Анализа на договорите со оваа компанија покажуваат дека само два дена претходно Јавното претпријатие за одржување и заштита на магистралните и регионалните патишта – Скопје објавило дека склучило договор со Илинден АД вреден речиси шест милиони евра за набавка на работи – изведување на патиша од инвестиционо одржување во времетраење од две години. Инаку овој договор бил склучен во април годинава. Тоа е трет најголем тендер за оваа фирма од 2008 година наваму, додека изградбата на регионалниот пат од Извор до Гарски мост е апсолутно највердната набавка. Втор најголем тендер со струшки Илинден од 2008 година наваму е склучен лани во април. Вредна е 8,5 милиони евра и повторно ја склучило  Јавното претпријатие за одржување и заштита на магистралните и регионалните патишта – Скопје.

Инаку оваа фирма се провлекува низ државните тендери и претходно но најмногу во псоледните три години. Сепак претходно повеќе била ангажирана од општините Охрид и Струга.

Со Јавното претпријатие за државни патишта сега директорува Ејуп Рустеми, поранешниот директор на Македонски пошти.