25 Април, 2024
0.0277

Странците ја фалат македонската гостопримливост, ја сакаат природата, локалитетите, но две работи им „бодат“ очи

Објавено во: Македонија 01 Јули, 2022

Добивај вести на Viber

Странските туристи кои ја посетиле Македонија се воодушевени од гостопримливоста на народот, им се допаѓаат рестораните, природата, и сè она што може овде да се види, но во исто време имаат забелешки за македонските патишта и хигиената на јавните места.

4.29 e просечната оценка која странските туристи ја дале за услугите кои ги добиле во земјава, покажа анкета направена на граничните премини претходните години, а објави Државниот завод за статистика.

За однесувањето на луѓето дале оценка 4.68, за безбедноста 4.29, за хигиената на јавните места 3.76. Природната средина ја оцениле со 4.57, забавата и ноќниот живот со 4.40, патната мрежа со 3.59, за рестораните дале оценка 4.53, за аеродромските услуги 4.46, а за археолошките и историски ресурси оценката е 4.78.

Maгдалена Фрост од Полска деновиве престојуваше во нашата земја и даде свое видување. Убавини има, луѓето се љубезни, но фали ред и организираност.

„Првпат бев во Македонија, тоа беше неочекувано кратко бегство. Мојот дечко игра на светското првенство во шах за слепи и слабовидни лица кое моментално се одржува во Охрид. Спонтано заминав на неколку дена затоа што бев љубопитна за вашата земја. Првото нешто што ме воодушеви беа луѓето. Сум сретнала исклучително добри луѓе, но видов дека Македонците се исклучително пријателски расположени и помагаат. Таков впечаток имав во такси, бев и на гости, бев во ресторани. Можеби ова е исклучок и само за туристите се такви, не знам. Но, госпоѓата со која останав во Охрид беше неверојатно корисна и љубезна. Немаше проблем со ништо. Јас лично ја сакам Италија, но Македонија почна да ми го краде срцето иако тоа беше прва посета и тоа само неколку дена. Природата е навистина неверојатна! Прекрасни терени. Бев во Охрид и езерото ми остави огромен впечаток! Се заљубив во Охрид. Одлична јужна клима. Градот е многу убав. Всушност, можете да видите малку неред во исто време - на пример, автомобили на тротоарите. Можете да видите дека луѓето имаат огромни срца таму, но веројатно не знаат како да одржуваат ред“, раскажува Фрост.

Додава дека ѝ се допаѓа темпераментот на македонскиот народ, и посакува Македонија да се развива на туристички план, затоа што како што вели има потенцијал.

Леонардо Волтани од Бразил има поинакво мислење. И за него луѓето се љубезни, но за хигиената, вели дека Македонија е една од почистите балкански земји. 

„Сега сум во Скопје, и можам да кажам  дека ја сакам Македонија, луѓето се многу љубезни. Негативно е тоа што не можам секаде да плаќам со картичка. Како Бразилец, нормално е да одам дури и до мала продавница на аголот од мојата улица, да земам овошје и да платам со картичка, додека овде не ги прифаќаат на сите места каде што отидов, а тоа е исто како Whatsapp наспроти телефонските повици. Би рекол дека Македонија е скапоцен камен надвор од пропаст. Како Бразилец навистина не познавав никој друг што дошол овде претходно, но дефинитивно би се вратил откако ќе поминам еден месец во Скопје!“, вели тој. 

Стевче Доневски, хроничар од Кратово и сопственик на сместувачки капацитет етно куќа Шанчева вели дека има работи кои треба да се средат и на кои треба да се посвети повеќе внимание, со цел да им оставиме подобар впечаток на туристите.

„Внатрешниот дел на манастирите, црквите е прекрасно среден, но треба повеќе да се уреди надворешниот дел, паркинзите. За љубезноста на народот, менталитетот е таков, странците се секогаш добредојдени, каде и да влезат ги пречекуваат насмеани лица, некаде гостите ги пречекуваат со леб и сол, традиционално, некаде со слатко, со ракија“, додава Доневски.

И транзитните патници дале исти одговори, односно најслаби оценки имаат за патната мрежа и за хигиената во Македонија.

Сања Атанасовска

foto freepik.com

Можеби ќе ве интересира

ИВОР МИЦКОВСКИ: Ако успеат да не коалицираат со ДУИ и да направат нешто..., ВМРО-ДПМНЕ ќе газат со години

ИВОР МИЦКОВСКИ: Ако успеат да не коалицираат со ДУИ и да направат нешто..., ВМРО-ДПМНЕ ќе газат со години

(ВИДЕО) Ечат македонската химна и народни песни на скопскиот плоштад

(ВИДЕО) Ечат македонската химна и народни песни на скопскиот плоштад

НАЈНОВИ РЕЗУЛТАТИ ОД ДИК: На обработени 90,49 отсто гласови - Давкова 326.310, Пендаровски 162.678

НАЈНОВИ РЕЗУЛТАТИ ОД ДИК: На обработени 90,49 отсто гласови - Давкова 326.310, Пендаровски 162.678

„СТЕВЧО ЈАКИМОВСКИ СОБРА ПОВЕЌЕ ПОТПИСИ ОД ГЛАСОВИ“: Доктор Беќаровски за изборниот резултат на градоначалникот на Карпош

„СТЕВЧО ЈАКИМОВСКИ СОБРА ПОВЕЌЕ ПОТПИСИ ОД ГЛАСОВИ“: Доктор Беќаровски за изборниот резултат на градоначалникот на Карпош

ГРУБИ БАРА ОСТАВКИ - од Изет Меџити, Арбен Таравари, Билал Касами, Африм Гаши

ГРУБИ БАРА ОСТАВКИ - од Изет Меџити, Арбен Таравари, Билал Касами, Африм Гаши

„БЕВ, СУМ И ОСТАНУВАМ ЛЕВИЧАР!“ Ванковска им честиташе на победниците, но најави дека новиот претседател допрва ќе се соочи со нејзините предвидувања

„БЕВ, СУМ И ОСТАНУВАМ ЛЕВИЧАР!“ Ванковска им честиташе на победниците, но најави дека новиот претседател допрва ќе се соочи со нејзините предвидувања

МИЦКОСКИ: ОВАА ВЛАСТ ПАЃА, ЦРВЕНИОТ КАРТОН СЛЕДУВА НА 8 МАЈ - се слушнав со Таравари и му посакав идна Влада во Македонија

МИЦКОСКИ: ОВАА ВЛАСТ ПАЃА, ЦРВЕНИОТ КАРТОН СЛЕДУВА НА 8 МАЈ - се слушнав со Таравари и му посакав идна Влада во Македонија

„СЕ ГЛЕДАМЕ ЗА ДВЕ НЕДЕЛИ, ЌЕ СЕ БОРИМЕ ДОДЕКА НЕ ПОБЕДИМЕ“: Ковачевски рече дека се надевале на подобри резултати

„СЕ ГЛЕДАМЕ ЗА ДВЕ НЕДЕЛИ, ЌЕ СЕ БОРИМЕ ДОДЕКА НЕ ПОБЕДИМЕ“: Ковачевски рече дека се надевале на подобри резултати

Пендаровски: ВМРО-ДПМНЕ не е сигурен во победа во вториот круг

Пендаровски: ВМРО-ДПМНЕ не е сигурен во победа во вториот круг