Стопанска Банка Битола ги подобри финансиските резултати во 2012 година!

Добивај вести на Viber

Загубата на Стопанска банка Битола во 2012 година е намалена за три пати во однос на претходната година. Помалата тековна загуба во најголема мерка се должи на намалувањето на загубите поради оштетување на средства кај дадени кредити и вложувања поради што истите се намалени за 67% односно за 359 милиони денари споредено со претходната година. Ова намалување во голема мера е резултат на напорите на менаџментот за наплата на дел од претходно отпишаните побарувања. Загубата што Стопанска Банка Битола ја регистрираше во 2012 година , а која изнесува 2.4 милиони евра пред се се должи на економските проблеми со кои се соочува поширокото опкружување и пласманите од минатото кои се одразија врз работењто на некои од комитентите на банката што предизвика нередовно исполнување на обврските кај некој од нив. Од билансот на успех може да се забележи дека Стопанска банка Битола во 2012 година регистрира намалување на приходите по основ на камати за 10 % односно истите се намалени за 36 милиони денари. Зголемување на приходите од 7.8% е регистрирано во ставката приходите по основ на провизии и надоместоци каде е регистрирано зголемување за 5 милиони денари и во  ставката приходи од дивиденди каде е регистриран раст од 15% во 2012 во однос на претходнат година.