Србија ќе изгуби територија поголема од Косово
Објавено во: Балкан 17 Ноември, 2017
Србија ќе изгуби територија поголема од Косово.
Српската академија на науки и уметности (САНУ) направила истражување кое покажува дека 1.200 села во земјата со вкупна територија поголема од Косово, се соочуваат со целосно исселување, односно бришење од списокот на населени места, јави Танјуг.
Според Драган Шкориќ од САНУ, во Србија има вкупно 4.709 населени места, од кои 1.200 се во фаза на исчезнување, со помалку од 100 жители и со надолен тренд на населување.
Околу 500 од овие села немаат ниту асфалтиран пат. Бројот на села без училиште изнесува 230, а 173 училишта постојат само за по еден ученик. Ова според Шкориќ, е показател за лошата демографска состојба во Србија.
Претходно српската премиерка, Ана Брнабиќ изјави дека ќе ги затворат сите училишта со по еден ученик.