Спасовски, Шекеринска, Димитров и другите ќе добиваат плата од Владата
Објавено во: Македонија 24 Август, 2020
Оливер Спасовски, Радмила Шекеринска, Никола Димитров и сите други функционери од Владата кои во меѓувреме станаа пратеници во новиот собраниски состав по изборите на 15 јули ќе ја добиваат само владината плата, информираат од „Илинденска“.
Од Владата ја демантираат претпоставкатѕа на Државната комисија за спречување на корупцијата дека техничкиот премиер и министрите ќе добиваат плата и како пратеници и како владини функционери.
„Во врска со забелешката на Државната комисија за спречување на корупцијата и конфликтот на интереси, дека членови на Владата кои се избрани за пратеници земаат две плати, Владата на Република Северна Македонија информира дека премиерот и министрите кои на последните избори беа избрани за пратеници, ја земат единствено и исклучиво платата за нивниот ангажман во Владата, до моментот на траење на нивниот ангажман во Влада, а не и од Собранието“, гласи демантор на Владата.