Социјалната помош се зголемува за 5 проценти идниот месец
Објавено во: Економија 13 Јуни, 2016
Следниот месец социјалната парична помош ќе биде зголемена за 5%, најави денеска лидерот на ВМРО-ДПМНЕ, Никола Груевски.
Тој објасни дека во буџетот за 2016 година се предвидени средства за зголемувањето.
„Станува збор за околу 30.000 семејства кои земаат различни видови социјална помош. До сега околу 62% е зголемена социјалната парична помош во период на владеењето на ВМРО-ДПМНЕ. Ова ќе биде едно ново зголемување, тоа беше ветено и сега се реализира“-вели Груевски.
Најдобра социјална политика е политиката за отворање на нови работни места, додаде тој.
Лани во истиот период социјалната помош беше зголемена за 10%.