СОСЕДИТЕ ВОЗАТ АВТОМОБИЛИ СО ПРОСЕЧНА СТАРОСТ ОД 17.3 ГОДИНИ: Имаат најстар возен парк во ЕУ
Објавено во: Балкан 09 Март, 2024
Во Европската Унија(ЕУ) најстари автомобили се возат во Грција, а најмлади во Луксембург.
Податоците на Европската асоцијација на производители на автомобили (ACEA), покажуваат дека Грција има најстар возен парк во 28-те земји на Европската Унија, Велика Британија и членки на ЕФТА. Кај јужниот сосед се возат автомобили со просечна старост од 17,3 години. Зголемен е и европскиот просек во споменатите земји и изнесува 12,3 години.
Сепак, голем број земји од оваа статистика, дури 21 од нив, бележат просечна старост на автомобилите над 10 години. Просечната старост на автомобилите во Германија е точно 10 години. Европска земја со најмлад возен парк е Луксембург со просек од 7,9 години.