Добивај вести на Viber
Почната е истрага против француската десничарка Марин Ле Пен.
Обвинителството во Париз отвори истрага за финансирањето на кампањата на Марин Ле Пен за претседателските избори во 2022 година. Истрагата е отворена минатата недела поради сомневање за проневера, фалсификување, измама и сомнително прифаќање заем, потврдија за Политико од канцеларијата на париското обвинителство.
Во 2022 година, во нејзиниот трет обид да стане претседател, Ле Пен освои 41 отсто од гласовите во вториот круг, губејќи од актуелниот претседател Емануел Макрон. Отворањето на истрагата дојде откако Националниот комитет за истрага на трошоците за кампањата (CNCCFP) го предупреди париското обвинителство за неправилности.
Ова не е прв пат Ле Пен да се соочува со вакви проблеми, затоа што беа утврдени голем број неправилности и за време на нејзината претседателска кампања во 2017 година.