СЛЕДНАТА НЕДЕЛА УШТЕ ПОТОПЛО: метеопрогнозерот Попоски најавува уште повисоки температури
Објавено во: Македонија 09 Јули, 2024
На топлото лето му нема крај. Покрај високите температури кои деновиве ја зафатија Македонија, но и целиот регион, за следната недела според метеопрогнозерот Славчо Попоски, може да очекуваме уште потполи денови.
- Следната седмица и до 45 степени во делови од Македонија - напиша Попоски на Фејсбук.
Еве ја неговата објава:
Во меѓувреме, од Управата за хидрометеоролошки работи информираа дека „под влијание на многу топла воздушна маса од југ, продолжува периодот на сончево и многу топло време, освен во недела кога во попладневните часови ќе има услови за изолирана нестабилност со пороен дожд и грмежи.
Дневната температура насекаде ќе биде над 30°C, а наместа ќе надминува 40°C. Особено топло ќе биде од четврток до средината на следната седмица кога на повеќе места ќе биде активирано портокалово ниво за опасност од високи температури“.
Управата за хидрометеоролошки работи вообичаено вади прогноза за следните три дена, и според најавите овие денови ќе биде екстремно топло. Температурите ќе надминуваат 40 степени.