Скопјанка пријавила дека сопругот ја малтретирал и се заканувал со нож
Објавено во: Македонија 28 Септември, 2023
Сопругот ја малтретирал својата 30 годишна жена од Скопје. Според пријавата во полиција, тој се заканувал со нож.
Во СВР Скопје, вчера во 12 часот, жената пријавила дека во домот на подрачјето на Центар физички ја нападнал нејзиниот сопруг А.В.(40) од Скопје.
Полицијата презема мерки за расчистување на случајот.
Деновиве имаше убиство во Кочани, каде маж со 40 убоди усмрти 46 годишна жена.
Претходно, летово во Куманово, маж изврши двојно убиство и самоубиство. Тој ги уби сопругата и нејзината мајка, а потоа се самоуби. За двајцата насилници претходно имало пријави во полиција. Од Платформата за родова еднаквост бараат одговорност за фемицидите.