СИРОМАШТИЈАТА ЗЕМА ЗАМАВ: Во оваа држава луѓето крадат за да преживеат
Објавено во: Балкан 28 Јули, 2017
Во последните две години бројот на кражби пораснал за 12%.
Во соседна Србија граѓаните крадат за да преживеат, а се краде храна, пијалоци, жилети, батерии.
Најчесто луѓето кои се сиромашни крадат сувомесни производи, кафе, парфеми во големите трговски ланци.
Овие производи ги крадат за да преживеат. Дел да ги користат за да се прехранат, а дел да продадат.
„Крадат сите. Едната категорија ја сочинуваат децата кои крадат заради адреналин и љубопитност, но има и пензионери кои крадат кекси, кафе, зачини. Другата категорија ја сочинуваат оние кои крадат за да препродаваат и тоа нес кафе, милка чоколадо, скапи пасти за заби, креми за лице, други козметички производи. Во последната категорија спаѓаат оние кои купуваат она што не можат да си го дозволат за сопствени потреби како скапи сапуни, парфеми“ - вели Јелена Милановиќ, директорка на малопродажба во ланецот на маркети DIS.
Од Организацијата на потрошувачи велат дека она што не можат луѓето да си го дозволат, се одлучуваат да го украдат.
Луѓето знаат дека никој нема да ги претресе, а за украдена стока до 5000 динари не одговараат, освен ако трговецот не им поднесе пријава.