Сириза слави со речиси 40 отсто гласови
Објавено во: Балкан 25 Јануари, 2015
Сириза изби пред Нова демократија со многу повисоко водство од она што се очекуваше пред изборите. Радикалната левичарска партија на Алексис Ципрас води со разлика од 8,5 до 16,5 отсто пред владеачката Нова демократија и според досегашните анкети за излезот на гласачите, има освоено од 35,5 до 39,5 отсто од гласовите. Премиерот Антонис Самарас ја доби поддршката на 23 до 27 отсто од гласачите.
На трето место изедначени се Потами и Златна зора. Првите официјални резултати се очекуваат околу 21.30 часот, а до изутрина ќе се дознае и дали Ципрас има доволно мнозинство да формира влада. Ципрас им вети на гласачите дека отпишување на голем дел од грчкиот долг кон тројцата кредитори ЕУ, ММФ и Европската централна банка, како и дека одново ќе се дефинираат условите од строгите мерки за штедење. Ципрас по гласањето во Атина изјави дека граѓаните денеска одлучуваат дали Грција од утре ќе почне да се бори за достоинствен шивот во Европа. Според портпаролот на Сириза Панос Скурлетис резултатите од изборите се порака и до ЕУ. „Јасно е дека имаме историска победа која праќа порака која не се однесува само на Грците, туку и на европјаните“, рече Скурлетис.