02 Декември, 2022
0.0266

СИРЕЊЕ, ГРАВ, ОВОШЈЕ: Граѓаните почнаа да купуваат директно од производителите за да заштедат

Објавено во: Економија 05 Октомври, 2022

Добивај вести на Viber

На социјалните мрежи има бројни огласи каде земјоделците нудат овошје, зеленчук и млечни производи по прифатливи цени.

Откако цените на намирниците скокнаа во маркетите, граѓаните нарачуваат храна од земјоделците. На продажба се нуди сирење по цена од 300 или 400 денари за килограм, грав за 150 денари, се продаваат пиперки, праз, гројзе, калинки, костени, дуњи, мед и многу други производи. Беровски компир на големо се нуди за 35 денари, а за помали количини по 40 денари за килограм.

„Има нарачки за калинки периодов, ги бараат за правење на сок. Купувачите се од Скопје, Гевгелија, Струмица, Охрид, од секаде практично ги има, им праќаме по карго. Обично купуваат по еден пакет, по 25 килограми. За продажба имам 10 тони калинка“, вели Јане Гогов, производител на калинки од Валандово.

Муштериите купуваат домашно, природно, а воедно можат нешто и да заштедат на тој начин.

„Нашиот грав е 150 денари за килограм, наше производство, а во маркетите за таа цена тешко ќе најдат, и тој грав е увезен. Имаме купувачи од цела Македонија кои земаат по 10 или 15 килограми. Ситуацијата ги натера да купуваат директно од производителите и треба трудот на земјоделецот да се цени“, додава земјоделец од светиниколско.

Цените на сирењето и кашкавалот се доста високи во маркетите, и неодамна граѓаните споделуваа фотографии од кашкавал кој чини најмалку 700 или над 1.000 денари, но производителите ги продаваат по пониски цени.

„Јас сирењето го продавам по 400 денари за килограм. Луѓето се јавуваат, најчесто од Скопје, и земаат по 4, 5, 10 килограми“, вели битолчанка.

Александар Мацевски од селото Робово објаснува дека имаат доста нарачки за буламач, односно побарувачката е поголема од понудата.

„Имаме доволно нарачки од Берово, но периодот на правење на буламач е краток, месец дена пред да прекинеме со молење на овците пред јагнење. Буламач бараат и луѓето од Кочани, Виница, Штип“, вели Мацевски.

Ѓокан Демов од струмичко пред неколку дена објавил дека продава праз, и веќе има нарачки.

„Доаѓаат лично да купат луѓе од Струмица и околината и земаат по 3 или 5 врзопчиња со праз. Цената е 250 денари. Можат да најдат и поевтин, но квалитетот ја одредува цената“, рече Демов.

Но, дел од граѓаните поради лошата економска ситуација негодуваат дека и овие пониски цени се во суштина високи за оние кои заработуваат минималец од 18.000 денари. Во земјава од ноември е најавено дека ќе има нови повисоки цени на лебот и белите печива.

Државниот завод за статистика објави дека пораст на индексите на трошоците на животот во август 2022 година, во споредба со претходниот месец, е забележан кај лебот и житата за 6.4 отсто, свежото и разладеното овошје за 3.8 отсто, млекото за 3.6 отсто, месото за 2.5 отсто, прехранбените производи неспоменати на друго место за 1.8 отсто.

Сања Атанасовска

foto freepik.com/kamranaydinov

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Скокнал бројот на Германци кои работат со скратено работно време

Скокнал бројот на Германци кои работат со скратено работно време

ЕУ ќе зададе удар на цената на руската нафта - има договор?

ЕУ ќе зададе удар на цената на руската нафта - има договор?

Газдите во Германија не сакаат млади работници?

Газдите во Германија не сакаат млади работници?

НЛБ Банка прогласена за „Банка на годината за 2022“ од The Banker

НЛБ Банка прогласена за „Банка на годината за 2022“ од The Banker

ОБЈАВЕНИ НАЈНОВИТЕ БРОЈКИ ЗА МАКЕДОНСКИОТ БДП - раст од само два отсто, градежништвото потфрли и слабо ја билдаше економијата

ОБЈАВЕНИ НАЈНОВИТЕ БРОЈКИ ЗА МАКЕДОНСКИОТ БДП - раст од само два отсто, градежништвото потфрли и слабо ја билдаше економијата

Електродистрибуција ги извести институциите кои компаниите треба да се вратат на отворен пазар

Електродистрибуција ги извести институциите кои компаниите треба да се вратат на отворен пазар

Македонија2025 со силен придонес за економскиот развој фокусиран на младите

Македонија2025 со силен придонес за економскиот развој фокусиран на младите

РАМЕН ДАНОК: ВАНЧО УЗУНОВ - ова не е левичарски, нашите луѓе го сметаат данокот за казна, МИЛЕ БОШКОВ - бизнисот ја поздравува владината одлука

РАМЕН ДАНОК: ВАНЧО УЗУНОВ - ова не е левичарски, нашите луѓе го сметаат данокот за казна, МИЛЕ БОШКОВ - бизнисот ја поздравува владината одлука

ШВАЈЦАРИЈА ОТКРИ КОЛКУ ВРЕДИ ЗАМРЗНАТИОТ РУСКИ ИМОТ: Санкциониран само мал дел од она што Русите го поседуваат

ШВАЈЦАРИЈА ОТКРИ КОЛКУ ВРЕДИ ЗАМРЗНАТИОТ РУСКИ ИМОТ: Санкциониран само мал дел од она што Русите го поседуваат