Синиша Ивановски нов директор на „Железници“, назначен и нов Управен одбор
Објавено во: Економија 10 Јули, 2024
Синиша Ивановски, претседателот на партиската комисија на ВМРО-ДПМНЕ за инфраструктура, урбанизам и транспорт, е назначен за нов директор на Јавното претпријатие за железничка инфраструктура „Железници на РСМ“.
Ивановски доаѓа на местото на Зоран Трифуновски како вршител на должност. Претходно тој беше директор на скопското комунално претпријатие „Улици и Патишта“ кога Коце Трајановски беше градоначалник на Скопје.
За нови членови на Управниот одбор на „Железници Инфраструктура“ се избрани Роберто Тошевски (претседател на УО), Јован Симевски, Сашо Мојсовски, Небојша Захариески, Голубина Арсовска, Елена Стојкоска и Александар Маџаров.
Ова јавно претпријатие е најпознато по тоа што ги одржува пругите и ја гради делницата кон Бугарија.
А.К.